Чым пагражае чалавеку спякотнае надвор’е?  Канешне, парушэннямі фізіялагічнага стану арганізма.

• Цеплавы ўдар – цяжкае парушэнне жыццядзейнасці арганізма, звязанае з перагрэвам. Суправаджаецца галаўным болем, дрымотнасцю, агульнай млявасцю, галавакружэннем.
• Сонечны ўдар – від цеплавога ўдара. Характарызуецца хваравітым станам, парушэннем работы галаўнога мозга па прычыне працяглага ўздзеяння сонечнага святла на непакрытую паверхню галавы. У выніку парушаецца нават кровазварот. Сонечны ўдар суправаджаецца галаўным болем, млявасцю і рвотай. Наступствы такога ўдара могуць быць вельмі сур’ёзнымі ажно да спынення работы сэрца.
• Абязводжванне – гэта становішча арганізма, пры якім утрыманне ў ім вадкасці ніжэй за фізіялагічную норму. Страта чалавекам ўсяго 1% вады прыводзіць да парушэнняў, а 20% да смяротнага зыходу. Прыкметы: зніжэнне тэмпературы цела, бледнасць скуры, халодны пот, зніжэнне аб’ёма мачы ці поўная яе адсутнасць.

Каб пазбегнуць такога цяжкага фізіялагічнага становішча, памятайце пра тэрмарэгуляцыю – здольнасць арганізма падтрымліваць тэмпературу цела на пастаянным узроўні незалежна ад ваганняў тэмпературы. Прыслухоўвайцеся да арганізма і дапамагайце яму перажыць лета. 

1. Нельга знаходзіцца на адкрытым сонцы.Аптымальны час для загару,  прагулак пешшу ці на ровары да 11-ці гадзін раніцы і пасля 16-ці гадзін.  Абавязкова карыстайцеся крэмамі з спф-фактарам, каб пазбегнуць апёкаў і знізіць рызыку ўзнікнення меланомы.
2. Нельга адмаўляцца ад галаўнога ўбора.

І датычыцца гэта правіла не толькі дзяцей, але і дарослых. Кепкі, шляпы, панамы, павязкі. Шырокі асартымент гэтых модных аксэсуараў дапаможа пазбегнуць сонечнага ўдару і ў той самы час падкрэсліць вашу індывідуальнасць.

3. Нельга насіць адзенне з сінтэтычных валокнаў.Натуральныя тканіны дапамогуць збалансаваць тэрмарэгуляцыю і такім чынам дапамогуць выратаваць ад перагрэву. Асноўная гігіенічная якасць такіх тканін – гіграскапічнасць – магчымасць матэрыялаў паглынаць і аддаваць вільгаць.  Ідэальна падыдуць бавоўна, шоўк, тонкая шэрсць, лён. Дарэчы, лён у гэтым сезоне на піку папулярнасці і знайсці ільняное адзенне ў асартыменце магазінаў вельмі лёгка.
4. Нельга заставацца ў спякоту ў горадзе.Выкарыстоўвайце любую магчымасць, каб апынуцца падчас спякоты за горадам. Справа ў тым, што пад уздзеяннем моцнага сонца, “каменныя джунглі” пераўтвараюцца ў сапраўдную рускую баню. Пад уздзеяннем сонца асфальт, тратуарная плітка і сцены шматпавярховых дамоў награваюцца, а праз некаторы час пачынаюць аддаваць цяпло ў навакольнае асяроддзе. Згадзіцеся, за горадам сярод дрэў і кустоўя і дыхаецца лягчэй, і самаадчуванне лепшае. 
5. Нельга ўжываць “цяжкую” ежу.Многія людзі адзначаюць, што падчас спякоты есці хочацца значна менш. Гэтаму ёсць тлумачэнне. Зімой холадна і “цяжкая” ежа патрэбна арганізму дзеля таго, каб выпрацоўваць энергію для абагравання. Так як летам грэцца не трэба, то і есці не вельмі хочацца. Прыслухоўвайцеся да свайго арганізму. Абмяжуйце ўжыванне ці адмоўцеся ад тлустых відаў мяса, сала, малочных прадуктаў. Акцэнт у харчаванні на садавіну, гародніну і зеляніну. 
6. Нельга абмяжоўваць ужыванне чыстай вады.Многія людзі адчуваюць вялікі дыскамфорт падчас спякоты, звязаны з узмоцненым потаадлучэннем. І змагаюцца з гэтым, пры дапамозе абмежавання ўжывання пітной вады. Рабіць гэта катэгарычна забараняецца. Піць чыстую ваду проста неабходна. Яна дапамагае ажыццяўляць тэрмарэгуляцыю, выводзіць прадукты распаду, разрэджвае кроў і такім чынам памяншае рызыку ўзнікнення інфаркту і інсульту. Гэта галоўнае! А з моцным потаадлучэннем можна змагацца іншымі спосабамі. Праблемныя зоны абароняць антыперсперанты, якіх зараз у аптэках вялікая колькасць.
7. Нельга ўжываць моцныя спіртныя напоі. Падчас спякоты моцныя спіртныя напоі павінны быць пад забаронай. Па прычыне высокай тэмпературы паветра ап’яненне наступае значна хутчэй, а наступствы могуць быць вельмі сур’ёзнымі. І гаворка нават не пра павышаную рызыку сонечнага і цеплавога ўдара. У летні час наша сардэчна-сасудзістая сістэма перажывае вялікі стрэс. Не павялічвайце яго яшчэ больш! 
8. Нельга злоўжываць карыстаннем кандыцыянерам.Калі на вуліцы горача, хочацца любымі спосабамі знізіць тэмпературу вакол. Ідэальна з гэтай задачай справіцца кандыцыянер, але пажаданая вамі тэмпература павінна быць камфортнай перш за ўсё для органаў дыхання. Не важна, дзе вы знаходзіцеся, у аўто ці ў офісе, у гандлёвым цэнтры ці рэстаране. Вялікае адрозненне ў тэмпературах паміж памяшканнем з кандыцыянерам і вуліцай можа прывесці да ўзнікнення прастуды, насмарку і ангіны.